السبت، 25 فبراير، 2012

تفوطو والاّ يجيكم النيتو


تفوطو والاّ يجيكم النيتو 

همّ يبكّي وهمّ يضحك
هذا القماش أدّيه والا حطّو
كاين الي حياته  قضاها  زوّالي
وكاين الي حكّ ربح في اللّوطو

تفوطو والاّ يجيكم النيتو

من ندرومة أصبح في المرادية
و مجهول صار زعيم في البلاطو
الشعب السميقري والزعاف قتله
 ونوابو في الصالونات بالشاي والقاطو


تفوطو والاّ يجيكم النيتو 

ناس تجمع من القمامة وتاكل
وهو مايشريش الدلاّع حتى يبطو
الي مريض من الشعب يخبط راسو في حيط
والي يعطس منهم يجيه طبيب على الموطو

تفوطو والاّ يجيكم النيتو 

النار شاعلة في كل مكان ولاهبة
وهو الكذب والي راح ليه يبلعطو
من 1999 يهف ويبذر في الاموال
وبعد 2011 صار عريان في شورطو

تفوطو والاّ يجيكم النيتو 

كي يكون في الاتساع يده في السماء
ولمّا تضيق به يطأطأ راسو ويحطّو
الرخيص يبقى رخيص ياعبد الله
والغدار والخائن ماعنده أخلاق تربطو

تفوطو والاّ يجيكم النيتو 

نورالدين خبابه
25/02/2012

0 التعليقات:

إرسال تعليق

((من كان يؤمن بالله واليوم الآخر فليقل خيراً أو ليصمت))