الأربعاء، 10 يونيو 2015

شيخ يالشّيخ


واحد يحفر في طريق بالقادوم -  وعشرة يشيخو على راسو
واحد يتمنّاه  يكون قصر- والآخر يبني له في ساسو
واحد راه ينوّض في البقر  – والآخر متكسّل لهيه مع طاسو
واحد راه يرهن في البلاد- والآخر شادّ في قربي بقنطاسو
واحد يشري  في الهواء النقي - والآخر قريب تنقطع أنفاسو
واحد راه يكدّد في عظم - والآخر يبذر في الخيرات بحرّاسو
واحد يمشى في مشية الغراب -و الآخر شرى سروال بلاما قاسو
واحد وقته كلّه مع اللّهو- والآخر يسطّر للمستقبل في كرّاسو
واحد قال لعب خزّها على ماها- والآخر يشمّ من بعيد باحساسو
واحد يفهمها طايرة في الهواء - والآخر ماعلابالو وين يحطّ راسو
واحد يقرأ في علم الضمياطي – والآخر كالحمار ببردعة وحلاسو
واحد ياكل فيها بالمسّاك  - وناس ياما بكاو وياما قاسو
واحد ماعلابالو بيها وين صدّت - والآخر طار عليه  النوم وقلّ نعاسو
واحد جاء يعاونو في قبر أمّه-  خلاّه ثم وهرب له  بفاسو

نورالدين خبابه 10 جوان 2015

0 التعليقات:

إرسال تعليق

((من كان يؤمن بالله واليوم الآخر فليقل خيراً أو ليصمت))